"Xiaomi" şirkəti rahat yatmağı sevənlər üçün "Meet" adlı ağıllı yuxu maskasını təqdim edib.

Foodinfo.az xəbər verir ki, bu innovativ aksessuarı 299 yuana (təxminən 70 manata) şirkətin kraudfandinq platformasında önsifariş etmək mümkündür.

"Meet" adi yuxu maskasının xüsusiyyətlərini müasir texnologiya ilə birləşdirir. O, nəinki xarici səslərdən təcrid edən, həm də rahatlaşdırıcı musiqi səsləndirə bilən xüsusi qulaqlıqlarla təchiz olunub.

Cihazın mühüm xüsusiyyəti istifadəçinin yuxu fazalarına uyğun olaraq səs səviyyəsini avtomatik tənzimləmək və ya musiqini tamamilə söndürmək imkanıdır.

Maraqlıdır ki, müxtəlif funksiyaları konfiqurasiya etmək və yuxu ssenarilərini seçmək üçün mobil proqrama qoşulma da təmin edilir. Tətbiqdə 50-dən çox müxtəlif yuxu ssenarisi mövcuddur.

Bu o deməkdir ki, hər bir istifadəçi özü üçün ən uyğun rejimi seçib yüksək keyfiyyətli və sağlam yuxudan həzz ala biləcək.