“Azersun Holdinq”də işləmək çoxlarının arzusudur
Qida istehsalı, pərakəndə satış və kənd təsərrüfatı sahəsində fəaliyyət göstərən, bu sahədə ölkənin ən qabaqcıl şirkəti olan “Azersun Holdinq”də işləmək çox adamın arzusudur. Bəs bu məşhur holdinqdə işə qəbul prosesi necədir?
Foodinfo.az “Azərsun Holdinq”ə işə qəbul prosesini təqdim edir:
İnsan Resurslarının İdarə Olunması Prosesinə daxil olan İşə qəbul prosesinin əsas məqsədi, şirkətlər qrupumuzun vizyon, missiya və dəyərlərinə uyğun, işin tələb etdiyi bacarığa sahib olan şəxslərin, müvafiq dəyərləndirmə vasitə və metodlar ilə şirkət xarici qaynaqlardan təmin edilməsidir. Həmçinin bu işin həyata keçirilməsində tətbiq olunacaq sistem və qaydaların müəyyən edilməsi işə götürmə prosesimizin əsas prioritetlərindəndir.
Personalların seçilməsi və işə götürülmə prosesi İnsan Resursları Planlaması ilə müəyyən edilən və ya zamanla meydana çıxan işçi tələbinin qarşılanması məqsədi ilə müvafiq vəzifələrə uyğun şəxslərin tapılması, seçilməsi, vəzifənin tələb etdiyi məvacib səviyyəsi ilə işə götürülməsi və oryentasiya proqramından keçməsi kimi çalışmaları özündə cəmləşdirir.
Proses aşağıdakı mərhələlərdən ibarətdir:
Personal tələbinin müəyyən edilməsi,
Tələb edilən vakansiyaya görə axtarış mərhələsi,
Ön dəyərləndirmə,
Seçim mərhələsi,
Yerləşdirilmə mərhələsi
Lazımi bacarığa sahib olan namizədlərin araşdırılması üçün mərhələli olaraq 2 müxtəlif mənbəyə müraciət olunur;
- Şirkət Daxili Mənbələrdən insan resursları təmini,
- Şirkət Xarici Mənbələrdən insan resursları təmini
Şirkət daxili mənbə öncəliyi siyasətinin tələbi olaraq personal təminində açılan vəzifələrin, qurum içərisindən dəyərləndirilməsi məqsədi ilə daxili qaynaq araşdırması aparılır, müvafiq namizəd təyin edilir, tələb edilən vəzifə üzrə məsləki bilgisini müəyyən edən bir sıra testlərdən keçirilir, vəzifə dəyişikliyi olacağı qurum rəhbərinin bir başa razılığı ilə müvafiq işə götürmə prosesi başladılır.
Şirkət xarici mənbələrdən namizəd təmini
Daxil olan bütün müraciətlər, işə qəbul mütəxəssislərimiz tərəfindən araşdırılır və tələb edilən xüsusiyyətlərə uyğun olan namizədlər ilə ilkin telefon görüşməsi aparılır . Müvafiq qərarın verilməsindən, işə uyğun görülən namizədin İnsan Resursları İşə Qəbul Şöbəsinə dəvət edilməsinə qədər bütün fəaliyyətlər aşagıdakı mərhələlərdən ibarətdir:
namizədlər üçün lazım olan iş profil xüsusiyyətlərinin müəyyən edilməsi;
namizədin müəyyən edilməsi üçün müraciət siyahısına baxılması
alternativ resurs araşdırmasının aparılması;
namizədlərin dəvət edilərək mövcud bilik səviyyələrinin təyin olunması;
Namizədlərin test və işə uyğunluq prosesi aşağıdakı mərhələlərdən ibarətdir:
Ümumi dünya görüşünü müəyyən edən test,
Məsləki bilgisini müəyyən edən test,
Xarici dil biliklərini yoxlayan test,
Kompyuter biliklərini müəyyən edən test,
Bacarıqlarını ortaya çıxaran müsahibələr,
Psixoloji test.
Bu mərhələlərdən sonra:
uyğun görülən namizədlər, qurum rəhbəri ilə görüşdürülür,
komissiya yaradılması yolu ilə uyğun olan namizəd seçilir,
referans araşdırması aparılır;
işə götürülməsi uyğun bilinən namizədlər müvafiq vakansiya üzrə çalışmaq üçün dəvət edilir, vəzifəsi təfsilatlı izah olunur və proses başa çatdırılır.
Qurumumuza müraciət edən və iş görüşmələrində iştirak edən bütün namizədlərin müvafiq iş müraciəti nəticələrinin e-mail və ya telefon vasitəsi ilə bildirmək əsas vəzifələrimizdən biridir.
“Azərsun Holdinq”ə müraciət edən namizədlər www.azersunhr.com portalından bizimlə əlaqə saxlaya bilərlər. Yeni yaranan vakansiyalarla bağlı iş elanları da həmçinin portalımızda davamlı olaraq yerləşdirilir.
