Mayın 16-da start götürən Bakıda XXIV Beynəlxalq Qida Sənayesi, XII Azərbaycan Beynəlxalq Kənd Təsərrüfatı və Xəzər Beynəlxalq Qablaşdırma, Tara, Etiket və Poliqrafiya sərgiləri bu gün başa çatıb. Foodinfo.az xəbər verir ki, sərgilərdə 34 ölkədən 402 şirkət iştirak edib. Sərgidə ilk dəfə olaraq “yeniliklər vitrini” təşkil olunub. Burada iştirakçılar bazarda təqdim edilməmiş yeni məhsullarını nümayiş etdiriblər. Bu il ilk dəfə olaraq sərgilər BMT-nin Ərzaq və Kənd Təsərrüfatı Təşkilatı (FAO), eləcə də, Azərbaycanda İxracın və İnvestisiyaların Təşviqi Fondu (AZPROMO) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) tərəfindən də dəstəklənib. Qeyd edək ki, Foodinfo.az Bakı Ekspo Mərkəzində keçirilən qida sərgisinin informasiya dəstəyi olub