Azərbaycan Qida Təhlükəsizliyi Agentliyi (AQTA) COVİD-19 virusunun yayılmasının qarşısının alınması üçün ictimai iaşə və ərzaq satışı müəssisələrinə bəzi tövsiyələrini verib. Agentlikdən Foodinfo.az-a verilən məlumata görə, ictimai iaşə və ərzaq satışı müəssisələrində xəstəliyə yoluxma riskinin azaldılması üçün ortaq istifadə edilən səthlər, əşyalar mütəmadi təmizlənməlidir. Həmin yerlər dezinfeksiya edilməlidir.