Məlumdur ki, bu gün çoxlu sayda market, ticarət və iaşə obyekti müştərilərinə fiskal kassa çeki vermirlər.
Bu gün vergilər naziri Mikayıl Cabbarov bəyan etdi ki, hamı qanun qarşısında bərabərdir və hər bir obyekt vergiləri ödəməli olacaqdır.
Nazir qeyd etdi ki, bir obyektin vergi verməməsi və ya ona güzəşt verilməsi digər obyektlərin bağlanması ilə nəticələnə bilər:
“Dövlətin, vətəndaşın və sahibkarın maraqları bir-birinə uyğun gəlməlidir. Qanunları eyni cür bütün vergi ödəyicilərinə tətbiq etmədən iqtisadiyyatın inkişafını təmin etmək mümkün deyil. Bazar iqtisadiyyatı şəraitində bazarın ayrı-ayrı iştirakçılarına seçmə yolu ilə verilən ən kiçik güzəştlər rəqabətə mənfi təsir göstərir, işgüzar aktivliyin rəsmi sahədən qeyri-rəsmi sahəyə keçidi ilə nəticələnir.
Belə təcrübənin yolverilməzliyi xüsusən kiçik və orta sahibkarlıq sahəhəsində özünü biruzə verir. Qanunsuz olaraq vergi ödəməmək hüququ əldə edən dükanın mövcudluğu ona gətirib çıxardacaq ki, oradakı qiymətlər rəqib dükanlardan daha aşağı olacaq, müştərilər ona üz tutacaqlar. Vergi ödəyən dükanlar isə istər-istəməz bağlanacaqdır. Orada işləyən insanlar iş yerlərin itirəcəklər, özlərini və ailələrini dolandırmaq məqsədilə sosial yardım üçün dövlətə müraciət etməli olacaqlar. Məhz buna görə bazar iştirakçıları üçün bərabər şərtlərin təmin edilməsi təkcə Vergilər Nazirliyi üçün deyil, vətəndaşlar üçün də vacib olmalıdır”,- Mikayıl Cabbarov dedi.
“KASSA ÇEKİNİN TƏLƏB EDİLMƏSİ AYIB SAYILMAMALIDIR”
Mikayıl Cabbarov bildirdi ki, xərclədiyimiz hər bir manat leqal iqtisadiyyatda dövriyyə etməlidir: Məhz buna görə kassa çekinin tələb edilməsi ayıb sayılmamalıdır. Mən gözəl anlayıram ki, bu, artıq formalaşmış vərdişlərin dəyişməsilə bağlıdır. Yəqin ki, evinizin altında yerləşən dükanın satıcısı sizin qonşunuzdur. Ondan alınan çörəyə görə kassa çeki tələb etmək qonşuluq münasibətlərinə xələl gətirə bilər. Lakin Siz yadınıza salmalısınız ki vergilər bizi və torpaqlarımızı müdafiə edən ordunun saxlanmasına, uşaqlarımıza təhsil verən müəllimlərin əməkhaqlarına, küçələrin işıqlandırılmasına, məktəblərin təmirinə xərclənir və s. xərclənir. Ona görə, bizim bir yolumuz var, biz bu yolu birlikdə keçməliyik - çek istəməyi ayıb saymamalıyıq”. (Marja.az)
Məlumdur ki, bu gün çoxlu sayda market, ticarət və iaşə obyekti müştərilərinə fiskal kassa çeki vermirlər.
Bu gün vergilər naziri Mikayıl Cabbarov bəyan etdi ki, hamı qanun qarşısında bərabərdir və hər bir obyekt vergiləri ödəməli olacaqdır.
Nazir qeyd etdi ki, bir obyektin vergi verməməsi və ya ona güzəşt verilməsi digər obyektlərin bağlanması ilə nəticələnə bilər:
“Dövlətin, vətəndaşın və sahibkarın maraqları bir-birinə uyğun gəlməlidir. Qanunları eyni cür bütün vergi ödəyicilərinə tətbiq etmədən iqtisadiyyatın inkişafını təmin etmək mümkün deyil. Bazar iqtisadiyyatı şəraitində bazarın ayrı-ayrı iştirakçılarına seçmə yolu ilə verilən ən kiçik güzəştlər rəqabətə mənfi təsir göstərir, işgüzar aktivliyin rəsmi sahədən qeyri-rəsmi sahəyə keçidi ilə nəticələnir.
Belə təcrübənin yolverilməzliyi xüsusən kiçik və orta sahibkarlıq sahəhəsində özünü biruzə verir. Qanunsuz olaraq vergi ödəməmək hüququ əldə edən dükanın mövcudluğu ona gətirib çıxardacaq ki, oradakı qiymətlər rəqib dükanlardan daha aşağı olacaq, müştərilər ona üz tutacaqlar. Vergi ödəyən dükanlar isə istər-istəməz bağlanacaqdır. Orada işləyən insanlar iş yerlərin itirəcəklər, özlərini və ailələrini dolandırmaq məqsədilə sosial yardım üçün dövlətə müraciət etməli olacaqlar. Məhz buna görə bazar iştirakçıları üçün bərabər şərtlərin təmin edilməsi təkcə Vergilər Nazirliyi üçün deyil, vətəndaşlar üçün də vacib olmalıdır”,- Mikayıl Cabbarov dedi.
“KASSA ÇEKİNİN TƏLƏB EDİLMƏSİ AYIB SAYILMAMALIDIR”
Mikayıl Cabbarov bildirdi ki, xərclədiyimiz hər bir manat leqal iqtisadiyyatda dövriyyə etməlidir: Məhz buna görə kassa çekinin tələb edilməsi ayıb sayılmamalıdır. Mən gözəl anlayıram ki, bu, artıq formalaşmış vərdişlərin dəyişməsilə bağlıdır. Yəqin ki, evinizin altında yerləşən dükanın satıcısı sizin qonşunuzdur. Ondan alınan çörəyə görə kassa çeki tələb etmək qonşuluq münasibətlərinə xələl gətirə bilər. Lakin Siz yadınıza salmalısınız ki vergilər bizi və torpaqlarımızı müdafiə edən ordunun saxlanmasına, uşaqlarımıza təhsil verən müəllimlərin əməkhaqlarına, küçələrin işıqlandırılmasına, məktəblərin təmirinə xərclənir və s. xərclənir. Ona görə, bizim bir yolumuz var, biz bu yolu birlikdə keçməliyik - çek istəməyi ayıb saymamalıyıq”. (Marja.az)
