Qarın nahiyəsindəki artıq piydən qurtulmağa çalışırsınızsa, pendirdən tamamilə imtina etmək vacib deyil. Bu barədə diyetoloq Tara Kollinqvud məlumat verib.

Foodinfo.az Sports.kz saytına istinadla xəbər verir ki, Eat This, Not That! nəşrinə danışan mütəxəssis yüksək zülallı pendirlərin rasiona daxil edilə biləcəyini bildirib. Onun sözlərinə görə, belə pendirlər uzunmüddətli toxluq hissi yaradır və əzələ kütləsinin qorunmasına kömək edir. Bu amillər isə ümumi yağ kütləsinin azalması üçün mühüm əhəmiyyət daşıyır.

Diyetoloq arıqlama dövründə bel nahiyəsində piy qatını azaltmaq istəyənlər üçün uyğun olan yeddi pendir növünü sadalayıb.

Kəsmik pendiri (tvorojniy)

Zülalla ən zəngin pendirlərdən biridir. Əzələlərin qorunmasına və uzun müddət toxluq hissinin yaranmasına kömək edir.
Mütəxəssis qeyd edib ki, əzələlərin saxlanılması maddələr mübadiləsi üçün xüsusilə vacibdir.

Yunan fetası

Güclü dadı sayəsində az miqdarda istifadə etmək kifayətdir.
Feta salatlara və sobada bişirilmiş tərəvəzlərə əlavə etmək üçün ideal hesab olunur.

Qismən yağsız mozzarella

Nisbətən az kalorili, eyni zamanda zülal və kalsiumla zəngindir.
Diyetoloq pendir çubuqları formasında porsiyaların asanlıqla nəzarətdə saxlanıldığını vurğulayıb.

Parmezan

Yüksək zülal tərkibli və sərt pendirdir.
Parmezan kimi sərt pendirlərin güclü dadı az miqdarda belə toxluq hissi yaratmağa imkan verir.

İsveçrə pendiri

Bu pendir zülalla zəngin olmaqla yanaşı, az natrium tərkibinə malikdir.
Bu xüsusiyyət şişkinlik və maye tutulmasından əziyyət çəkənlər üçün faydalıdır.

Rikotta

Həm şirin, həm də duzlu yeməklərdə istifadə oluna bilir.
Rikotta giləmeyvə və tərəvəzlərlə yaxşı uyğunlaşır və kaloriyə nəzarət edilən pəhriz üçün əlverişlidir.

Keçi pendiri

Dadlı və aromatik olduğu üçün az miqdarda istifadə belə yeməklərə kifayət qədər ləzzət qatır.
Xüsusilə salatlarda istifadə üçün uyğun seçim sayılır.

Diyetoloq vurğulayıb ki, düzgün seçilmiş pendir növləri və nəzarətli porsiyalar arıqlama prosesinə mane olmur, əksinə, onu daha davamlı və balanslı edə bilər.