Qış mövsümündə immunitetin zəifləməsi fonunda qırmızı kələm ən faydalı tərəvəzlərdən biri hesab olunur. Zəngin vitamin və antioksidant tərkibi sayəsində bu tərəvəz orqanizmi soyuqdəymə və infeksiyalardan qorumağa kömək edir.

Foodinfo.az  xəbər verir ki, qırmızı kələm C vitamini ilə zəngindir. Bu vitamin immun sistemini gücləndirərək orqanizmin virus və bakteriyalara qarşı müqavimətini artırır.

Tərkibində olan antosianinlər hüceyrələri zədələnmədən qoruyur, iltihabi proseslərin azalmasına kömək edir və bədəni sərbəst radikallardan təmizləyir.

Qırmızı kələmin müntəzəm istehlakı qış aylarında daha az xəstələnməyə kömək edə bilər və xəstəliyin daha yüngül keçməsini təmin edir.

Bu kələm liflə zəngindir. Bu xüsusiyyət bağırsaq fəaliyyətini yaxşılaşdırır, immun sisteminin əsas mərkəzlərindən biri olan həzm sistemini gücləndirir.

Kalium və antioksidantlar sayəsində qırmızı kələm qan dövranını yaxşılaşdırır və ürək-damar xəstəlikləri riskinin azalmasına dəstək olur.

Qırmızı kələm salat, şorba və ya buxarda bişmiş formada istehlak edilə bilər. Vitamin itkisini azaltmaq üçün çox bişirilməməsi tövsiyə olunur.