Sarıkökün insan sağlamlığı üçün uzun müddət düzgün qiymətləndirilməyən faydaları barədə yeni məlumatlar yayılıb. Foodinfo.az Sports.kz-yə istinadla xəbər verir ki, bu barədə mütəxəssis Yelena Jelənina məlumat verib.

Mütəxəssisin sözlərinə görə, sarıkök xüsusilə soyuq fəsillərdə orqanizmi möhkəmləndirən ən dəyərli ədviyyələrdən biridir. O bildirib ki, sarıkökün tərkibindəki əsas təsiredici maddə olan sarıkökin hüceyrələri güclü iltihabəleyhinə təsir göstərir və bədənin infeksiyalara qarşı davamlılığını artırır.

Jelənina qeyd edib ki, sarıkök min illərdir şərq təbabətində bədəni qorumaq və gücləndirmək üçün istifadə olunur. Onun sözlərinə görə, sarıkök soyuq havalarda bədəni yüngül şəkildə isidir, mövsümi xəstəliklərlə mübarizəni asanlaşdırır və gündəlik yüklənmələrə qarşı dözümlülüyü artırır.

Mütəxəssis vurğulayıb ki, sarıkökün təsiri kimyəvi dərman vasitələri qədər sərt deyil və yan təsir yaratmır. O bildirib ki, bu ədviyyə hüceyrələri azad cisimlərin zədəsindən qoruyaraq qocalma prosesinin ləngiməsinə də kömək edir, dəriyə və ümumi sağlamlıq vəziyyətinə müsbət təsir göstərir.

Sarıkökün həzm sistemi üçün də faydalı olduğu qeyd olunub. Jelənina bildirib ki, sarıkök öd ifrazını artırır, şişkinlik və ağırliq hissinin azalmasına yardım edir, yeməkdən sonra yaranan narahatlıqları yüngülləşdirir.

Mütəxəssis əlavə edib ki, sarıkök uşaqlar üçün də uyğun ola bilər, lakin yaşa görə diqqətli olmaq lazımdır. O deyib ki, uşaqların rasionuna sarıkök iki və ya üç yaşdan etibarən az miqdarda daxil edilə bilər.

Sarıkökün tərkib maddələri ilə hazırlanan əlavələrin isə adətən yeddi yaşdan sonra verilməsinin daha məqsədəuyğun olduğu qeyd edilib. Jelənina vurğulayıb ki, miqar düzgün seçildikdə sarıkök immun müdafiəni gücləndirir və orqanizmin ümumi vəziyyətinin yaxşılaşmasına yardım edir.