Gün ərzində 10-16 ədəddən çox badam yemək məsləhət deyil.

Foodinfo.az xəbər verir ki, bu barədə Rusiya Dövlət Təhsil Universitetinin fiziologiya, insan ekologiyası və biotibbi biliklər kafedrasının dosenti, hüceyrə bioloqu Aleksandr Sozıkin xəbərdarlıq edib.

Badamın faydalarından danışarkən, o vurğulayıb ki, badam insulin müqavimətinin inkişafının qarşısını alır. Xüsusilə 2-ci tip şəkərli diabet xəstələri üçün faydalıdır. Badam əvəzolunmaz amin turşuları, zülal, monodoymamış yağ turşuları (omeqa-3), lif, E, B2, B7, B9, B12 və s vitaminlər, kalium, kalsium, xrom, manqan, maqnezium, mis, fosfor mənbəyidir.

Lakin Sozıkin badamın eyni zamanda allergen məhsul olduğunu deyib. Həddindən artıq badam yemək bədənə artıq yağın daxil olmasına və ürək əzələsinin yığılma sürətinin pozulmasına səbəb ola bilər. Buna görə də, allergik reaksiyalara meyilli və ya ürək xəstəliyindən əziyyət çəkən insanlar dozaya nəzarət etməlidirlər.