Clostridium perfringens qida zəhərlənməsinin ən çox yayılmış səbəblərindən biridir. ABŞ Xəstəliklərə Nəzarət və Qarşısının Alınması Mərkəzləri tərəfindən təxmin edilir ki, bu bakteriya Birləşmiş Ştatlarda hər il 1 milyon qida yoluxucu xəstəliyinə səbəb olur. 

 Foodinfo.az xəbər verir ki, C. perfringens oksigensiz mühitdə inkişaf edə bilən spor əmələ gətirən bakteriyadır. Spor bakteriyaların çoxalmağa uyğun olmayan çətin ekoloji şəraitdə çoxalma qabiliyyətinə malik olması deməkdir. Normal bakterial formalar (vegetativ forma) nisbətən aşağı istilik müalicəsi ilə məhv edilə bilsə də, sporlar istiliyə yüksək davamlıdır. O qədər ki, bəzi bakteriya sporları qaynar suda saatlarla yaşaya bilir. 

Sporlar və normal bakterial formalar ümumiyyətlə torpaqda, heyvanların, quşların və insanların bağırsaqlarında və kanalizasiya sularında olduğu üçün bir çox qidaları, xüsusən də çiy qidaları çirkləndirə bilə.

 Bakteriyalar bağırsaqlara qida yolu ilə daxil olur. Bağırsaqda sporun əmələ gəlməsi zamanı bakteriyalar qida zəhərlənməsinə səbəb olan toksinlər istehsal edir. Bu toksinlər qida zəhərlənməsinə səbəb olur.

Əsas simptomlar yeməkdən sonra 8-24 saat ərzində müşahidə olunan ishal və qarın ağrısıdır. Nadir hallarda da olsa ürəkbulanma, qusma və qızdırma əlamətləri görülür. Semptomlar 24 saat ərzində yox ola bilər.

Ət və ət tərkibli məhsullar bakteriyaların çoxalması üçün ən əlverişli mühit olduğundan epidemiyalara daha çox ət güveçləri, qızartmalar, ətli piroqlar, güveçlər, tərkibində bulyon olan yeməklər və souslar səbəb olur. Bu epidemiyalar qidaların düzgün saxlanmaması və saxlanma temperaturu, qeyri-adekvat bişirilmə və bakteriya ilə çirklənmiş avadanlıqdan qaynaqlanır. Xəstəxana bufetləri və məktəb bufetləri kimi çoxlu sayda insana yemək verildiyi yerlər də qidaların uyğun temperaturda saxlanması çətin olduğu üçün epidemiyaların baş verdiyi mühüm yerlərdir.

C. perfringens zəhərlənməsinin qarşısını almaq üçün yeməklərin hazırlanmasının hər mərhələsində müvafiq gigiyena tədbirlərinin görülməsi, yeməyi tövsiyə olunan temperaturda bişirilməsi, dərhal istehlak edilməməsi şərti ilə 60°C-dən yuxarı və ya 4°C-dən aşağı temperaturda saxlanılması tövsiyə olunur. Bişmiş qidalar 1 saat ərzində 4°C-dən aşağı soyudulmalı və xidmət etməzdən əvvəl yenidən ən azı 60°C-yə qədər qızdırılmalıdır.