Ton balığı sağlamlıq üçün dəyərli zülal və omega-3 mənbəyi olsa da, onu mayonezlə birlikdə yemək bəzi mənfi təsirlərə səbəb ola bilər. 

Foodinfo.az xəbər verir ki, bu iki məhsulun birləşməsi həm qida dəyərini azaldır, həm də sağlamlıq risklərini artırır.

Birincisi, mayonez çox miqdarda yağ və kalori ehtiva edir. Ton balığı isə öz-özlüyündə kifayət qədər yağlı bir qidadır. Bu iki məhsul birlikdə istehlak edildikdə yağ miqdarı normadan çox artır, bu da xolesterinin yüksəlməsinə və ürək-damar problemlərinə yol aça bilər.

İkincisi, ton balığı konserv şəklində satıldığı üçün artıq duz və konservantlar ehtiva edir. Mayonezlə birləşdirildikdə bu qarışım mədə turşusunu artırır, həzm sisteminə ağır yük salır və xüsusilə qaraciyər və öd kisəsi problemləri olan şəxslər üçün zərərli ola bilər.

Üçüncüsü, bəzi hallarda ton balığı və mayonez bir yerdə bakteriyaların çoxalması üçün əlverişli mühit yaradır, xüsusən də salatlar uzun müddət açıq havada saxlanıldıqda qida zəhərlənməsi riski artır.

Mütəxəssislər ton balığını təzə tərəvəzlərlə, limon suyu, zeytun yağı və bir qədər ədviyyatla yeməyi tövsiyə edirlər. Bu halda həm ləzzət qorunur, həm də qida dəyəri maksimum səviyyədə saxlanılır.

Bir sözlə, ton balığı sağlam seçim olsa da, mayonezlə birləşdirildikdə onun faydaları azalır, orqanizm üçün isə daha ağır və zərərli bir yeməyə çevrilə bilər.