Qırmızı qarağat həm təravətli dadı, həm də zəngin qida tərkibi ilə sağlam qidalanmanın əvəzolunmaz hissəsidir. Kiçik görünüşünə baxmayaraq, bu meyvə bədən üçün böyük faydalar daşıyır.

Foodinfo.az xəbər verir ki, qırmızı qarağat C vitamini, K vitamini, dəmir və liflə olduqca zəngindir. Təkcə bir ovuc qırmızı qarağat gündəlik C vitamini ehtiyacının 70 faizini təmin edə bilər. Bu, immun sistemini gücləndirir, orqanizmi infeksiyalardan qoruyur və dərinin sağlam qalmasına kömək edir.

Tərkibindəki antiosidant maddələr, xüsusilə antosiyaninlər, bədəndə sərbəst radikallarla mübarizə aparır. Bu maddələr hüceyrə qocalmasının qarşısını alır, ürək-damar xəstəlikləri və xərçəng riskini azaldır.

Qırmızı qarağat həmçinin həzm sisteminə müsbət təsir göstərir. Liflə zəngin olması sayəsində bağırsaq hərəkətlərini tənzimləyir, qəbizliyin qarşısını alır və toksinlərin orqanizmdən atılmasına kömək edir.

Dərini təmizləyici və parladıcı təsiri ilə də tanınan bu meyvə antiinflamatuar xüsusiyyətlərə malikdir, yəni orqanizmdə iltihabı azaldır. Buna görə də qırmızı qarağat həm də sızanaq və dəri problemləri ilə mübarizədə faydalıdır.

Qidalanma mütəxəssisləri onu həm təzə halda, həm də smuzi, qatıq, salat və ya desertlərin içində qəbul etməyi tövsiyə edirlər.