Kərə yağı və bəkməz qarışığı ənənəvi olaraq qış aylarında enerjiverici və xəstəliklərdən qorunmaq üçün sevilən bir qidadır.
Foodinfo.az xəbər verir ki, kərə yağı və bəkməz birləşdiyində həm dadlı, həm də qidalı bir məcun ortaya çıxır.
Kərə yağı A, D, E və K vitaminləri ilə zəngindir və bədənin enerji ehtiyacını qarşılayır, sağlam yağ mənbəyi kimi uzun müddət toxluq hissi verir. Həmçinin bədənin vitaminləri udmasına kömək edən yağlar ehtiva edir, bu da dəri və göz sağlamlığı üçün çox faydalıdır.
Bəkməz isə yüksək dəmir tərkibi ilə tanınır və qan azlığı olanlar üçün tövsiyə olunur. Dəmir bədəndə qan dövranını dəstəkləyir və yorğunluğu azaldır.
Bundan əlavə, bəkməzdə kalsium, kalium və maqnezium kimi minerallar da var. Bu minerallar sümük və əzələ sağlamlığını dəstəkləyir, ürək-damar sisteminin düzgün işləməsinə kömək edir və bədəndəki mineral balansını qoruyur.
Kərə yağı və bəkməz qarışığı bu qidaların faydalarını birləşdirərək enerji verir, soyuq havalarda bədən müqavimətini artırır və yorğunluqla mübarizə aparmağa kömək edir.
Eyni zamanda, yüksək kalorili olduğuna görə çox miqdarda istehlak edilməməlidir, çünki artıq çəkiyə və qan yağlarının artmasına səbəb ola bilər. Qarışığı xüsusilə qış aylarında və ehtiyac duyulduqda səhər yeməyində az miqdarda qəbul etmək lazımdır.
