Yüksək xolesterindən tutmuş ürək-damar sağlamlığına təhlükə yarada bilən və xroniki xəstəliklərin yolunu açan bir çox qidaları şüursuzca istehlak edirik. Üstəlik, dünyada artan piylənmə nisbətlərini nəzərə alsaq, bir çox xroniki xəstəliklərin riski də onunla birlikdə gəlir.
Çox sevdiyimiz işlənmiş qidalar, şəkərli qidalar və ya xəmir məmulatları damarları tıxamadan bel ətrafında piylənməyə qədər böyük risklər gətirir. Buna görə də belə qidalardan uzaq durmaq lazımdır.
Foodinfo.az qaçılması lazım olan qidaları təqdim edir:
CİPS
30 qram kartof çipsin tərkibində 152 kalori və 10 qram yağ var, bunun 3 qramı doymuş yağdır. Hətta həftədə cəmi 100 qram yemək ildə 23,400 əlavə kalori deməkdir. Bu o deməkdir ki, siz orta hesabla 7 kilo çəki ala bilərsiniz.
DONUT
Un, marqarin və ağ şəkərin birləşməsinə əlavə olaraq çox qızardılmış bu yemək ən zərərli qidalardan hesab olunur. Bu 300 kalori təmin etməklə yanaşı, 5 qram doymuş yağ və 4 qram trans yağ da daxil olmaqla 28 qram karbohidrat və 19 qram yağ almağınıza səbəb ola bilər.
Amerika Ürək Assosiasiyası deyir ki, kalorilərimizin yalnız 30%-i yağlardan gəlməlidir.
KOLBASA
İstər tavada, istər manqalda qızartsanız da kolbasa ən zərərli qidalar sırasındadır. 2015-ci ildə Ümumdünya Səhiyyə Təşkilatının (ÜST) araşdırması nəticəsində məlum olub ki, kolbasa və digər işlənmiş qırmızı ətin bağırsaq xərçəngi ilə əlaqəsi var. Buna görə də istehlak edərkən diqqətli olmaq çox vacibdir. Kolbasa kimi işlənmiş ətləri istehlak edərkən nisbətinə diqqət yetirmək və ya hətta həyatınızdan çıxarmaq daha sağlam həyata doğru addım atmağınıza imkan verə bilər.
KARTOF QIZARTMASI
Ən çox sevdiyimiz kartof qızartmasının cəmi 180 qramında 570 kalori var. Üstəlik, yediyiniz qida ilə çox daha riskli yağ nisbəti istehlaka çevrilə bilər.
AĞ ÇÖRƏK
Bir dilim ağ çörək 65 kaloridən bir qədər çox, sadə və tez həzm olunan karbohidratdır ki, bu da qan şəkərinizin yüksəlməsinə səbəb olur.
Üstəlik, bəzi araşdırmalar bu cür qidaların ömrü qısalda biləcəyini də təsdiqləyib.
ÖMÜRÜ QISA EDƏN QİDALAR:
Pizza: 7 dəqiqə 8 saniyə
İkiqat çizburger: 8 dəqiqə 8 saniyə
Hot Dog: 36 dəqiqə
ÖMRÜNÜZÜ UZADAN QİDALAR:
Avokado: 2 dəqiqə 8 saniyə
Banan: 13 dəqiqə 30 saniyə
Somon: 13 dəqiqə 5 saniyə
Fıstıqlı Çörək: 33 dəqiqə 6 saniyə
Bir ovuc qoz-fındıq: 26 dəqiqə
