![](/uploads/photos/original/2024/7/1902519444668bf5a9b4854.jpg)
Azərbaycan Respublikasının Qida Təhlükəsizliyi Agentliyi (AQTA) ölkədə heyvan kəsiminin normativ tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.
Foodinfo.az xəbər verir ki, 2024-cü il 1-5 iyul tarixlərində Agentlik əməkdaşları tərəfindən aparılan monitorinqlər zamanı Bakı, Sumqayıt şəhərləri və Şamaxı, Qazax, Tovuz rayonlarında fəaliyyət göstərən 41 heyvan kəsimi və ət satışı məntəqəsində bir sıra nöqsanlar aşkar olunub. Aşkarlanmış uyğunsuzluqlarla əlaqədar inzibati tədbir görülüb.
Baytarlıq-sanitariya ekspertizası aparılmadan heyvan kəsimi və ət satışı fəaliyyəti ilə məşğul olan və barələrində inzibati xəta haqqında protokol tərtib edilmiş məntəqələrlə AQTA-nın saytında tanış ola bilərsiniz.
![](/uploads/photos/thumb/350x250/2024/7/825527260668bf5b51b30b.jpg)
![](/uploads/photos/thumb/350x250/2024/7/548467350668bf5b59a8bf.jpg)
![](/uploads/photos/thumb/350x250/2024/7/518290710668bf5b5dedfb.jpg)