Dünya Səhiyyə Təşkilatının son hesabatına görə, alma ən əlçatan və ən güclü profilaktik qidalardan biri hesab olunur. Almanın tərkibindəki pektin maddəsi qanda şəkərin səviyyəsini tənzimləyərək insulin dirəncini azaldır. Foodinfo.az "The Guardian" nəşrinə istinadla xəbər verir ki, müntəzəm alma istehlakı ikinci tip diabet riskini əhəmiyyətli dərəcədə aşağı salır.

Almanın qabığında olan liflər həzm sistemini təmizləyərək bağırsaqların işini sürətləndirir. Bu meyvə həm də immun sistemini stimullaşdıran C vitamini ilə zəngindir ki, bu da mövsümi soyuqdəymələrdən qorunmağa kömək edir. Gün ərzində bir ədəd alma yemək diş ətlərini möhkəmləndirir və ağız boşluğunda bakteriyaların çoxalmasının qarşısını alır.

Dietoloqlar almanı qabığı ilə birlikdə yeməyi məsləhət görürlər, çünki əsas vitamin və minerallar məhz qabıq hissəsində cəmləşmişdir. Alma həm də aşağı kalorili olduğu üçün pəhriz saxlayanlar üçün ən yaxşı qəlyanaltı hesab olunur. Tərkibindəki su isə bədənin nəmlik balansını qorumağa kömək edir.

Yeni araşdırmalar almanın ağciyər funksiyalarını yaxşılaşdırdığını və asma riskini azaltdığını da göstərir. Meyvənin tərkibindəki antioksidantlar tənəffüs yollarını xarici çirklənmədən qoruyur. Sağlam ağciyərlər və stabil qan şəkəri üçün gündəlik rasionda almanın olması olduqca vacibdir.