Britaniyalı diyetoloq Alison Kallen bildirir ki, qanda xolesterinin səviyyəsinin artması qidada kifayət qədər zülal qəbul edilməməsi və çoxlu təmizlənmiş karbohidratlardan qaynaqlanır. Bu zaman xolesterolun parçalanmasına və bədəndən çıxarılmasına cavabdeh olan safra istehsalı azalır.
Foodinfo.az xəbər verir ki, mütəxəssisin fikrincə, müəyyən qidalar qanda xolesterinin səviyyəsini nəzarət altında saxlamağa kömək edir.
Belə super qidalardan biri də polifenollarla zəngin olan qaragilədir. Onun xolesterolu aşağı salma qabiliyyəti elmi araşdırmalarla sübut edilib.
Altı həftə ərzində gündə 150 qram qaragilə istehlakı ümumi xolesterinin əhəmiyyətli dərəcədə azalması ilə nəticələnib.
