Yumurta zülal və faydalı yağlar baxımından zəngin qidadır. Foodinfo.az bildirir ki, sağlam insan üçün gündə bir və ya iki yumurta yemək zərərli deyil. Yumurtanın tərkibində A, B12, D vitaminləri və dəmir mövcuddur.
Sarısında olan xolesterin bir çoxlarını narahat etsə də, müasir araşdırmalar göstərir ki, bu, qan xolesterin səviyyəsinə hər zaman təsir etmir. Xolesterin problemi olan şəxslər yumurtanı daha az miqdarda qəbul etməlidirlər. Yumurtanı qaynadılmış halda qəbul etmək daha sağlam sayılır. Qızardılmış və ya kolbasa ilə birgə yeyilən yumurta faydasını itirə bilər.
Yumurtanın təzəliyinə də xüsusi diqqət edilməlidir. Soyuqda saxlanmayan yumurta zəhərlənmə riski daşıyır. Uşaqlar və idmanla məşğul olanlar üçün yumurta əvəzolunmaz zülal mənbəyidir.
Hər gün 1 yumurta qəbulu bir çox hallarda orqanizm üçün faydalıdır. Lakin hər bir orqanizm fərqli olduğu üçün miqdar fərdi şəkildə müəyyən olunmalıdır.
