Meyvələrin düzgün saxlanılması onların təzə qalmasını və dadının qorunmasını təmin edir. Bəzi meyvələr soyuducuda saxlandıqda keyfiyyətini itirə və tez xarab ola bilər. Foodinfo.az bildirir ki, bu səbəbdən, bəzi meyvələrin soyuducuda saxlanmaması məsləhətdir.

1. Banana

Bananlar soyuducuda saxlandıqda qabığı qara rəng alır və meyvə tez xarab olur. Bananları otaq temperaturunda, günəşdən uzaq yerdə saxlamaq daha doğrudur.

2. Avokado

Avokadolar yetişməmiş olduqda soyuducuda saxlanmamalıdır. Soyuducu yetişmə prosesini ləngidir. Yetişmiş avokadoları isə bir neçə günlük soyuducuya yerləşdirmək olar.

3. Pomidor

Pomidorlar soyuducuda saxlandıqda dadını itirir və toxuması dəyişir. Pomidorları otaq temperaturunda, günəş işığından uzaq bir yerdə saxlamaq məsləhətdir.

4. Şaftalı və Nektarin

Bu meyvələr soyuducuda saxlandıqda dadını və şirəsini itirir. Onları otaq temperaturunda saxlayıb tam yetişdikdən sonra istehlak etmək daha yaxşıdır.

5.*Çiyələk

Çiyələklər soyuducuda saxlansa da, uzun müddət orada qalmaqla ləzzətini itirir və tez xarab olur. Onları aldıqdan sonra qısa müddət ərzində istehlak etmək daha məsləhətlidir.

6. Qarpız və Yemiş

Bunların kəsilməmiş vəziyyətdə soyuducuda saxlanması məsləhət deyil. Kəsilməmiş qarpız və yemişi otaq temperaturunda saxlayıb kəsdikdən sonra soyuducuya yerləşdirmək olar.