Zəncəfil əsrlərdir həm ədviyyat, həm də təbii müalicə vasitəsi olaraq istifadə olunan bir bitkidir. Tərkibindəki bioaktiv maddələr, xüsusilə gingerol zəncəfili güclü bir antiinflamatuar və antioksidant qida halına gətirir.
Foodinfo.az bildirir ki, zəncəfilin sağlamlıq üçün bir çox faydası var və bu məqalədə onun başlıca üstünlüklərindən bəhs ediləcək.
- Zəncəfil həzm problemlərinin müalicəsində ənənəvi olaraq istifadə olunur. O, mədə bulantısını azaldır və həzmi sürətləndirir. Xüsusilə hamiləlik dövründə yaşanan səhər bulantıları və kimyaterapiya sonrası ortaya çıxan bulantı və qusma kimi hallarda zəncəfilin istifadəsi geniş yayılıb.
- Onun tərkibindəki gingerol antiinflamatuar xüsusiyyətləri ilə tanınır. Oynaq iltihabları və osteoartrit kimi xəstəliklərdə ağrını və şişkinliyi azaltmağa kömək edir. Zəncəfil çayı və ya zəncəfil əlavələri bu cür problemləri olan insanlar üçün təsirli bir təbii müalicə vasitəsidir.
- Bu bitkinin güclü antioksidant təsiri bədəni sərbəst radikalların zərərindən qoruyur və immun sistemini dəstəkləyir. Zəncəfil çayı və ya zəncəfil qatılmış isti su soyuqdəymə və qrip simptomlarını yüngülləşdirmək üçün istifadə edilir.
- Ürək-damar sağlamlığı üçün də faydalıdır. O, qan dövranını yaxşılaşdırır, qan təzyiqini tənzimləyir və xolesterol səviyyələrini azaldır. Bu xüsusiyyətləri ilə zəncəfil ürək xəstəliklərinin qarşısını almağa kömək edir.
- Zəncəfil əzələ ağrıları və baş ağrıları üçün təbii bir ağrı kəsici olaraq da istifadə edilə bilər. Məşqdən sonra meydana gələn əzələ ağrılarını yüngülləşdirir və menstrual dövründə yaşanan ağrıları azaltmağa yardımçı olur.
- Ağız içindəki bakteriyalarla mübarizə apararaq diş əti xəstəliklərinin və ağız qoxusunun qarşısını alır. O, həm də diş ağrısı zamanı ağrını yüngülləşdirə bilər.
- Araşdırmalar göstərir ki, zəncəfil qan şəkəri səviyyəsini tənzimləyir və insulin həssaslığını artırır. Bu xüsusiyyətləri ilə zəncəfil şəkərli diabetin idarə olunmasında faydalı ola bilər.
