Qara lobya həm yüksək qida dəyəri, həm də uzun müddət toxluq hissi yaratması ilə pəhriz saxlayanların menyusunda xüsusi yer tutmalıdır. 

Foodinfo.az xəbər verir ki, onun tərkibindəki bitki mənşəli zülal, lif, vitamin və minerallar həm arıqlama prosesini dəstəkləyir, həm də bədəni gücləndirir.

1. Toxluq hissi yaradır

Qara lobyanın liflə zəngin olması aclığın qarşısını alır, qan şəkərinin sürətlə qalxıb-enməsinin qarşısını alır. Bu da pəhriz zamanı yemək istəklərini azaldır.

2. Zülal mənbəyi

Ət yeməyənlər və ya vegeterianlar üçün qara lobya ideal zülal qaynağıdır. Zülal həm əzələ toxumasını qoruyur, həm də metabolizmin sürətini artırır.

3. Aşağı kalorili, yüksək qidalı

Qara lobya az kalori ehtiva etsə də, vitamin B qrupu, dəmir, maqnezium və fol turşusu baxımından olduqca zəngindir. Bu xüsusiyyətlər pəhriz zamanı enerji çatışmazlığının qarşısını alır.

4. Həzm sisteminə faydası

Mütəxəssislərin sözlərinə görə, qara lobya bağırsaq mikroflorasını gücləndirir, həzmi asanlaşdırır və orqanizmdən toksinlərin atılmasına kömək edir.

5. Ürək sağlamlığını qoruyur

Tərkibindəki kalium və antioksidantlar sayəsində qara lobya xolesterini tarazlayır, qan dövranını yaxşılaşdırır və ürək-damar sağlamlığını dəstəkləyir.

Qara lobya həm arıqlamaq istəyənlər, həm də sağlam qidalanmağa üstünlük verənlər üçün əla seçimdir. Onu salatlarda, şorbada və ya müxtəlif dietik yeməklərdə istifadə etmək mümkündür.