Sarıkök çoxsaylı sağlamlıq faydaları olan bir ədviyyatdır, lakin tərkibindəki kurkumin maddəsi dəmirin udulmasına təsir edə bilər.
Foodinfo.az xəbər verir ki, araşdırmalar göstərir ki, sarıkökün həddindən artıq istehlakı bağırsaqlarda dəmirin udulmasını azaldır. Bu, xüsusilə dəmir çatışmazlığı olan insanlarda problemlərə səbəb ola bilər.
Kurkumin dəmirlə birləşərək onun bədən tərəfindən mənimsənilməsini çətinləşdirir. Buna görə də, anemiya və ya dəmir çatışmazlığı problemi olan şəxslər sarıkökün istifadəsini məhdudlaşdırmalı və ya yeməklərində onu daha az miqdarda istifadə etməlidirlər.
Bununla yanaşı, sarıkök iltihab əleyhinə və antioksidant xüsusiyyətləri ilə immuniteti gücləndirir, ürək-damar və həzm sistemini dəstəkləyir. Əgər dəmir çatışmazlığı yoxdursa, balanslı miqdarda sarıkök istehlakının ümumi sağlamlığa mənfi təsiri yoxdur.
