Sümük bulyonu (və ya sümük suyu) qədimdən bəri istifadə olunan və son illərdə yenidən məşhurlaşan bir sağlamlıq içkisidir. O, mal, toyuq, qoyun və ya balıq sümüklərinin uzun müddət qaynadılması ilə hazırlanır və çox zəngin tərkibə malikdir.
Aşağıda sümük bulyonunun əsas faydaları qeyd olunur:
– Sümük bulyonu kollagen, jelatin, qlükozamin və xondroitinlə zəngindir. Bu maddələr oynaq ağrılarını azaldır, oynaq elastikliyini artırır və sümük sıxlığını gücləndirir, Xüsusilə artroz və osteoporoz riski olanlar üçün faydalıdır.
– Tərkibindəki kollagen dərinin elastikliyini artırır, qırışların yaranmasının qarşısını alır. Saç və dırnaqları gücləndirir, tökülmənin və qırılmanın qarşısını alır.
– Sümük bulyonunda olan amin turşuları (glisin, prolin) sinir sistemini sakitləşdirir. Yuxusuzluq, əsəbilik, gərginlik və beyin dumanı kimi hallarda faydalıdır.
– Zəngin minerallar (kalsium, maqnezium, fosfor, sink) və amin turşuları ilə immun sistemini dəstəkləyir. Soyuqdəymə və qrip zamanı bulyon içmək bədəni tez bərpa edir.
– Bulyondakı jelatin bağırsaq divarlarını qoruyur və onların bərpasını sürətləndirir. Bu, xüsusilə mədə qıcıqlanması, şişkinlik, qida həzmində çətinlik və ya “sızan bağırsaq sindromu” olanlar üçün çox faydalıdır.
– Amin turşuları insulin həssaslığını artırır və maddələr mübadiləsini gücləndirir. Bu da çəki nəzarətinə kömək edir.
– Qaraciyərin detoks funksiyasını dəstəkləyən glisin amin turşusunu ehtiva edir. Bədənə yığılan ağır metalların və toksinlərin atılmasına yardım edir.
