Qatıq sağlam qidalanmanın ayrılmaz hissəsi olmaqla yanaşı, müxtəlif ədviyyatlarla daha faydalı hala gətirilə bilər. Kimyon bu baxımdan həm ləzzət, həm də sağlamlıq baxımından qatığa əla uyğun gələn bir ədviyyatdır.

Foodinfo.az xəbər verir ki, kimyon mədə turşusunu balanslaşdırır, qaz və şişkinliyi azaldır. Qatıqla birlikdə istehlak edildikdə həzm prosesini rahatlaşdırır.

Bu ədviyyatın tərkibindəki antioksidantlar və iltihabəleyhinə maddələr orqanizmdəki iltihabı azaldır.

Qatıqda olan probiyotiklər və kimyondakı fitonutrientlər birlikdə orqanizmin müdafiə sistemini gücləndirir.

Bu qarışım həm az kalorilidir, həm də uzun müddət toxluq hissi verdiyi üçün pəhrizlərdə istifadə oluna bilər.

1 stəkan qatığın üzərinə 1 çay qaşığı üyüdülmüş kimyon əlavə edin. Arzuya görə sarıkök və ya nanə də qatmaq olar.