Meyvə və tərəvəzləri soyuducuya qoymazdan əvvəl yumaq məsləhət görülmür.

Foodinfo.az bunun səbəblərini təqdim edir:

1. Nəmlik kif və bakteriya inkişafını artırır - Yuduqdan sonra qalan nəm meyvə-tərəvəzin daha tez xarab olmasına səbəb olur.

2. Təbii qoruyucu təbəqə itir – Bəzi meyvə və tərəvəzlərin üzərində onları uzun müddət təravətli saxlayan təbii qoruyucu təbəqə var. Yuduqda bu təbəqə aradan qalxır.  

3. Mikroblar tam yox olmaya bilər – Əgər meyvə-tərəvəzi soyuducuya qoymazdan əvvəl yuyursunuzsa, saxlamadan əvvəl tam quruduğuna əmin olun. Nəm qaldıqda bakteriyalar və kiflər sürətlə çoxala bilər.  

Nə etməli?

- Yumağı saxlamadan əvvəl yox, istehlakdan əvvəl edin. 

- Əgər yuyursunuzsa, yaxşıca qurudun və kağız dəsmalla silin.

- Çox miqdarda yuyub saxlamaq istəyirsinizsə, tam qurudub hava keçirməyən qablarda saxlaya bilərsiniz.

İstisna olaraq, ispanaq, kahı və digər yarpaqlı göyərtiləri yuyub, yaxşıca qurudub kağız dəsmalla sarıyaraq saxlamaq onların təravətli qalmasına kömək edir.