Məlumdur ki, adi mammoqrafiya süd vəzilərində erkən dövrdə xərçəngi aşkar etmək üçün istifadə olunur. Foodinfo.az Sports.kz-ə istinadla xəbər verir ki, ABŞ alimlərinin araşdırması göstərir ki, eyni müayinə ürək və damar xəstəlikləri risklərini də ortaya çıxara bilər.
Tədqiqat RSNA (Radiological Society of North America) konfransında təqdim olunub. Alimlər müəyyən ediblər ki, standart mammoqrafiya çəkilişlərində süd vəzisi arteriyalarında kalsium yığıntıları görünə bilər. Bu yığıntıların mövcudluğu gələcəkdə infarkt, insult və ürək çatışmazlığı riskinin artması ilə əlaqəlidir.
10 mindən çox qadının məlumatlarını analiz edən tədqiqatçılar göstəriblər ki, hər beş qadından təxminən birində ilk mammoqrafiyada kalsinaz aşkar olunur. Önəmli olan yalnız kalsiumun olması deyil, onun zamanla necə dəyişməsidir: kalsium yığıntıları artan qadınlarda ciddi ürək-damar hadisələrinin baş vermə ehtimalı xeyli yüksəkdir. Bəzi hallarda nəzərəçarpan irəliləyiş artıq bir il ərzində qeydə alınır.
Bu nəticələr göstərir ki, mammoqrafiya yalnız xərçəngin deyil, həm də ürək və damar xəstəlikləri riskinin erkən aşkarlanmasında əlavə imkan təqdim edir. Erkən diaqnostika və risk faktorlarının monitorinqi sağlamlıq üçün vacibdir.
