Yumurta tərkibindəki xolin, lutein və yüksək keyfiyyətli zülallarla həm beyin funksiyalarını, həm də göz sağlamlığını dəstəkləyir. Foodinfo.az xəbər verir ki, Fransanın Lyon Tibb Məktəbindən neyroloq Dr. Jean-Marc Lefevre yumurtanın xüsusilə yaddaş, öyrənmə qabiliyyəti və fokuslanma üçün vacib olduğunu bildirib.

Xolin maddəsi sinir ötürücülərinin normal işləməsini təmin edir və neyron hüceyrələrini qoruyur. Lutein və zeaksantin isə gözün tor qişasını zərərli işıq dalğalarından qoruyur. Dr. Lefevre qeyd edir ki, gündə 1 ədəd qaynadılmış yumurta yemək həm böyüklər, həm də uşaqlar üçün sağlamlıq baxımından faydalıdır.

Yumurtanın tərkibində D vitamini, selenium və B12 də mövcuddur. Eyni zamanda aclıq hissini azaldır və bədəni zülalla təmin edir. Damarları qoruyur və əzələ kütləsinin saxlanmasına kömək edir. Qəbul miqdarına riayət edildikdə, yumurta tam dəyərli və balanslı qida sayılır.

Təbii, yerli istehsal olan yumurtalar daha faydalıdır.