Dondurma yeməkdən soyuqdəymə olmur, əksinə, dondurma kəskin respirator virus infeksiyaları və angina zamanı ağrıları azaltmağa kömək edir.

Foodinfo.az xəbər verir ki, bu barədə həkim-terapevt Svetlana Kuprina danışıb.

O vurğulayıb ki, yay aylarının öz mövsümi respirator virusları var ki, əsasən isti, rütubətli havalarda dövr edir.

Virus infeksiyasının səbəbi xəstə bir insanla təmasdadır, bakterial ağırlaşmaların yaranması isə immunitetin azalması fonunda insanın özünün patogen mikroflorasının aktivləşməsi ilə əlaqədardır.

İstidə yelçəkəndən ("skvoznyak"dan) soyuqlamaq da geniş yayılan mifdir. Sağlam insanın bu cür vəziyyətdə qalması heç bir mənfi nəticələrə səbəb olmamalıdır. 

Lakin temperaturun kəskin dəyişməsi problem yarada bilər: istidə olduqdan sonra, küçə temperaturundan çox aşağı temperaturlu bir otağa girdikdə yel vuran yerdə qalmaq soyuqdəyməyə səbəb ola bilər. Tərləmə nəticəsində insan küləkdə və ya yelçəkəndə daha çox soyuyur. Lakin problemlərin yaranması üçün belə bir təsir ekstremal olmalıdır.

İstidə açıq pəncərələrlə yatmaq, eləcə də düzgün istifadə olunduqda kondisioner də soyuqdəyməyə səbəb ola bilməz. Ətraf mühit və kondisioner havası arasındakı temperatur fərqi on dərəcəni keçdikdə soyuqlaya bilərsiniz. Bu vəziyyətdə xroniki tənəffüs xəstəlikləri olan insanlar üçün daha təhlükəli olan hipotermiya riski yaranır: belə insanların öz patogen florasını aktivləşdirmək riski daha yüksəkdir.

Dondurmadan soyuqdəymə ehtimalı da mifdir. Mütəxəssis qeyd edir ki, soyuqdəymə xəstə bir insandan ötürülən və məhsulun istifadəsi ilə heç bir şəkildə əlaqəli olmayan bir virus xəstəliyidir. Onun fikrincə, boğazda ağrı hissi selikli qişaların soyuğa həssaslığı ilə əlaqəli ola bilər. Dondurmanın istifadəsi ilə əlaqədar qulaq, boğaz və burun xroniki xəstəliklərinin kəskinləşməsini sübut edən heç bir etibarlı məlumat yoxdur. Bundan əlavə, dondurma kəskin respirator virus infeksiyaları və angina zamanı boğaz ağrılarını azaltmaq üçün tövsiyə olunur,

Natəvan