Son illər Azərbaycandan bal məhsulları ixracına başlanılıb. Əvvəllər ixrac kortəbii şəkildə həyata keçirilirdisə, artıq müasir formada və qablaşdırmadan istifadə etməklə reallaşdırılır. İllik istehsal gücü 20 ton olan KERCOM şirkəti yerli və təbii balın elektron satışını həyata keçirir. Ötən il Səudiyyə Ərəbistanına bal və arıçılıq məhsullarının satışını həyata keçirən bu şirkət yerli istehlakçılar üçün də sərfəli şərait yaradıb. “Mr.Bee” (Cənab arı) layihəsi məhz bu məqsədə xidmət edir.
2015-ci ildən fəaliyyət göstərən KERCOM şirkətinin rəhbəri əslən Kürdəmir rayonundan olan Cavid Kərimovdur. “MrBee” layihəsinin ideyasının yaranmasından danışan Cavid Kərimov deyir ki, ailəsi arıçılıq sahəsində böyük təcrübəyə malikdir. O, bu təcrübəni inkişaf etdirərək, biznes layihəyə çevirmək qərarına gəlib və istəyinə də nail olub.
Layihənin uğurlu olması üçün qabaqcadan bazarları araşdıran həmsöhbətimiz xeyli təhlillər aparıb: “Dörd il ərzində “Mr.Bee” brendinin bugünkü mövqeyə çatması üçün, sözün əsl mənasında, gərgin çalışaraq, inkişafa doğru əlimizdən gələni etdik. Bu istiqamətdə fəaliyyətimiz hələ də davam edir”.
Onun sözlərinə görə, “Mr.Bee” artıq özünü brend kimi təsdiqləyib. “Biz bal və arıçılıq məhsullarının istehsalı və satışı üzrə ixtisaslaşmışıq. Məhsullarımızın satışını www.mrbee.az saytı, sosial şəbəkələr, Çağrı mərkəzi vasitəsilə həyata keçiririk. Həmçinin iri supermarket şəbəkələrində də 100-ə yaxın satış nöqtəmiz var. İstəyirik ki, layihəni daha da inkişaf etdirərək müxtəlif bölgələrdən olan Azərbaycan arıçıları üçün də əlçatan edək. “Mr.Bee” Azərbaycanın dörd bir yanından olan arıçılar və müştərilər üçün əlaqələndirici sistem rolunu oynayacaq. Biz arıçılara qablaşma, marketinq, satış, çatdırılma və hesabatlıq kimi xidmətlər təklif edirik. Artıq onlar bu kimi problemlərdən azad olaraq, öz məhsullarını platformamızda rahatlıqla satmaq imkanı qazanacaqlar. Qiymətlərə gəldikdə, bunu arıçılar özləri müəyyənləşdirəcəklər. Müştərilər evdən çıxmadan, sadəcə, bizim platformaya daxil olaraq, istədikləri bölgədən olan arı məhsulunu sifariş edəcəklər. Onlar rahat ödəniş imkanları (çatdırılma zamanı və onlayn), eləcə də 24 saat ərzində pulsuz çatdırılma və yüksək xidmətlə təmin olunacaqlar”, - deyə layihə rəhbəri qeyd edib.
Cavid Kərimov bildirib ki, “Mr.Bee” hər zaman inkubasiya mərkəzləri ilə fəal əməkdaşlığa üstünlük verib: “İnkişafımızda “Baku Business Factory”in (BBF) əvəzsiz dəstəyi olub. İndividual satışlarımızı strateji olaraq inkişaf etdirmək məqsədilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzinin dəstəyindən yararlanaraq böyük uğurlara imza atmaq niyyətindəyik. Qeyd edim ki, bu günlərdə “Mr.Bee” startap layihə kimi “INNOLAND”in "Kənd təsərrüfatı" mövzusunda akselerasiya proqramına seçilib”.
Həmsöhbətimiz sonda qeyd edib ki, “Mr.Bee” layihəsi tezliklə daha səmərəli və texniki baxımdan inkişaf etmiş formada təqdim olunacaq. Layihə ilkin olaraq, yerli istehsalçılar və yerli bazar üçün nəzərdə tutulub. Hədəf isə regional, hətta beynəlxalq səviyyəyə çıxmaqdır.
© Azərtac
Son illər Azərbaycandan bal məhsulları ixracına başlanılıb. Əvvəllər ixrac kortəbii şəkildə həyata keçirilirdisə, artıq müasir formada və qablaşdırmadan istifadə etməklə reallaşdırılır. İllik istehsal gücü 20 ton olan KERCOM şirkəti yerli və təbii balın elektron satışını həyata keçirir. Ötən il Səudiyyə Ərəbistanına bal və arıçılıq məhsullarının satışını həyata keçirən bu şirkət yerli istehlakçılar üçün də sərfəli şərait yaradıb. “Mr.Bee” (Cənab arı) layihəsi məhz bu məqsədə xidmət edir.
2015-ci ildən fəaliyyət göstərən KERCOM şirkətinin rəhbəri əslən Kürdəmir rayonundan olan Cavid Kərimovdur. “MrBee” layihəsinin ideyasının yaranmasından danışan Cavid Kərimov deyir ki, ailəsi arıçılıq sahəsində böyük təcrübəyə malikdir. O, bu təcrübəni inkişaf etdirərək, biznes layihəyə çevirmək qərarına gəlib və istəyinə də nail olub.
Layihənin uğurlu olması üçün qabaqcadan bazarları araşdıran həmsöhbətimiz xeyli təhlillər aparıb: “Dörd il ərzində “Mr.Bee” brendinin bugünkü mövqeyə çatması üçün, sözün əsl mənasında, gərgin çalışaraq, inkişafa doğru əlimizdən gələni etdik. Bu istiqamətdə fəaliyyətimiz hələ də davam edir”.
Onun sözlərinə görə, “Mr.Bee” artıq özünü brend kimi təsdiqləyib. “Biz bal və arıçılıq məhsullarının istehsalı və satışı üzrə ixtisaslaşmışıq. Məhsullarımızın satışını www.mrbee.az saytı, sosial şəbəkələr, Çağrı mərkəzi vasitəsilə həyata keçiririk. Həmçinin iri supermarket şəbəkələrində də 100-ə yaxın satış nöqtəmiz var. İstəyirik ki, layihəni daha da inkişaf etdirərək müxtəlif bölgələrdən olan Azərbaycan arıçıları üçün də əlçatan edək. “Mr.Bee” Azərbaycanın dörd bir yanından olan arıçılar və müştərilər üçün əlaqələndirici sistem rolunu oynayacaq. Biz arıçılara qablaşma, marketinq, satış, çatdırılma və hesabatlıq kimi xidmətlər təklif edirik. Artıq onlar bu kimi problemlərdən azad olaraq, öz məhsullarını platformamızda rahatlıqla satmaq imkanı qazanacaqlar. Qiymətlərə gəldikdə, bunu arıçılar özləri müəyyənləşdirəcəklər. Müştərilər evdən çıxmadan, sadəcə, bizim platformaya daxil olaraq, istədikləri bölgədən olan arı məhsulunu sifariş edəcəklər. Onlar rahat ödəniş imkanları (çatdırılma zamanı və onlayn), eləcə də 24 saat ərzində pulsuz çatdırılma və yüksək xidmətlə təmin olunacaqlar”, - deyə layihə rəhbəri qeyd edib.
Cavid Kərimov bildirib ki, “Mr.Bee” hər zaman inkubasiya mərkəzləri ilə fəal əməkdaşlığa üstünlük verib: “İnkişafımızda “Baku Business Factory”in (BBF) əvəzsiz dəstəyi olub. İndividual satışlarımızı strateji olaraq inkişaf etdirmək məqsədilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzinin dəstəyindən yararlanaraq böyük uğurlara imza atmaq niyyətindəyik. Qeyd edim ki, bu günlərdə “Mr.Bee” startap layihə kimi “INNOLAND”in "Kənd təsərrüfatı" mövzusunda akselerasiya proqramına seçilib”.
Həmsöhbətimiz sonda qeyd edib ki, “Mr.Bee” layihəsi tezliklə daha səmərəli və texniki baxımdan inkişaf etmiş formada təqdim olunacaq. Layihə ilkin olaraq, yerli istehsalçılar və yerli bazar üçün nəzərdə tutulub. Hədəf isə regional, hətta beynəlxalq səviyyəyə çıxmaqdır.
© Azərtac
