Balanslı qidalanma bədənin ehtiyac duyduğu bütün qida maddələrini (karbohidratlar, zülallar, yağlar, vitaminlər, minerallar və su) düzgün nisbətdə və kifayət qədər qəbul etmək deməkdir. Yəni nə çox, nə az – hər şeydən qədərində və doğru seçimlə yemək.

Foodinfo.az balanslı qidalanmanın əsas prinsiplərini təqdim edir:

1. Qida müxtəlifliyi

- Hər gün fərqli qida qruplarından yeyilməlidir.

- Tərəvəz və meyvələr vitamin, mineral və lif qaynağıdır.

- Taxıl məhsulları – xüsusilə tam taxıllar (çörək, düyü, yulaf) enerji verir.

- Zülal mənbələri – ət, balıq, toyuq, yumurta, paxlalılar (noxud, mərci, lobya), süd məhsulları.

- Yağlar – zeytun yağı, qoz-fındıq, avokado (trans yağlardan uzaq durmaq lazımdır).

2. Nisbət və porsiya nəzarəti

- Həddindən artıq yeməmək.

- Kiçik, amma tez-tez yemək (gündə 3 əsas, 2 ara yemək).

- Bir boşqabın yarısı tərəvəz olmalıdır, dörddə biri zülal, dörddə biri karbohidrat.

3. Şəkər və duzun azaldılması

- Şirin içkilər, tort-piroq, çox duzlu qidalar gündəlik qida rasionunda az yer tutmalıdır.

4. Su qəbulu

Gündə orta hesabla 6–8 stəkan su içmək lazımdır.

5. Qızartmadan uzaq durmaq

Daha çox buxarda bişmiş, qaynadılmış və ya sobada hazırlanmış yeməklərə üstünlük verin.