Balıq istehlakı hər yaşda sağlamlığı gücləndirən əsas qida mənbəyidir. Foodinfo.az bildirir ki, omega‑3 yağ turşuları beyin, göz və ürək funksiyalarını dəstəkləyir.

Cənubi Koreyalı klinik diyetoloq Dr. Yoon-Seok Kim The Korea Herald-a açıqlamasında deyib ki, “omeqa‑3 yağ turşuları ürək ritmini sabitləşdirir, beyin funksiyalarını inkişaf etdirir və göz sağlamlığını qoruyur”.

Dr. Yoon-Seok Kim əlavə edib ki, balıqda olan D vitamini sümük sağlamlığını möhkəmləndirir. Mütəxəssis qeyd edib ki, həftədə 2–3 dəfə balıq yemək iltihab səviyyəsini azaldır və immun sistemi gücləndirir. O əlavə edib ki, balığın antioksidant tərkibi orqanizmdə sərbəst radikalları zərərsizləşdirir. Dr. Yoon-Seok Kim onu da söyləyib ki, balığın müxtəlif növləri – somon, skumbriya və sardina – sağlam yağla zəngindir. Mütəxəssis balığın yüngül qızartmasız və ya duzsuz bişirilməsini tövsiyə edib.