Dilimlənmiş və uzun müddət saxlanmış soğan bəzi hallarda zərərli ola bilər. Xüsusilə soyulub və kəsilib açıq şəkildə saxlanarsa, aşağıdakı risklər yaranır:

– Bakteriyaların çoxalması

Soğan kəsildikdən sonra səthi açıq qalır və rütubətli olduğu üçün bakteriyaların çoxalması üçün əlverişli mühitə çevrilir. Xüsusilə soyuducudan kənarda saxlanırsa, zərərli mikroorqanizmlər əmələ gələ bilər.

– Zəhərlənmə riski

Soyulub və kəsilib qalmış soğan, xüsusilə plastik qabda və ya uyğun olmayan şəraitdə saxlanarsa, zamanla turşuya bənzər qoxu ala bilər. Bu, onun tərkibindəki uçucu maddələrin parçalanması və çürüməsi nəticəsində baş verir və bu da zəhərlənməyə səbəb ola bilər.

– Qoxunu özünə çəkir

Soğan kəsildikdən sonra ətrafdakı qoxuları tez çəkir. Soyuducuda başqa qidalarla birlikdə saxlanarsa, həm onların dadını dəyişə bilər, həm də özü tez xarab ola bilər.

– Antioksidant itkisi

Kəsildikdən sonra onun bəzi faydalı maddələri, xüsusən antioksidantlar və kükürdlü birləşmələr hava ilə təmasda olduqda parçalanmağa başlayır. Bu da onun faydasını azaldır.

Soğanı istifadə edərkən doğrayın. Əgər artıq doğranıbsa, hava keçirməyən qabda, soyuducuda, 1 gündən artıq olmamaq şərtilə saxlaya bilərsiniz. Qoxusu dəyişibsə və ya selikli hal alıbsa, istifadə etməyin. Ən yaxşısı, ehtiyac qədər doğrayıb qalanını bütöv halda saxlamaqdır.