Qara yumru istiot dünyanın ən çox istifadə edilən ədviyyatlarından biridir. Foodinfo.az xəbər verir ki, o, "Piper nigrum" bitkisinin qurudulmuş meyvələrindən hazırlanır. İstiotun tünd rəngi və tünd, acı dadı onu bir çox yeməyə ləzzət qatmaq üçün ideal edir.

Tərkibindəki antioksidantlar hüceyrələri sərbəst radikalların zərərindən qoruyur və orqanizmdə iltihabı azaldır.

Qara istiot mədə turşusunun ifrazını artırır, bu da qida həzmini asanlaşdırır və qaz, şişkinlik kimi problemləri yüngülləşdirir.

Ondakı piperin maddəsi bədənin vitamin və mineralları daha yaxşı sovurmasına kömək edir.

Qara yumru istiot salat, şorba, ət yeməkləri və müxtəlif yeməklərdə ədviyyat kimi geniş istifadə olunur.