Ümumrusiya Elmi-Tədqiqat Kərə yağı və Pendir İstehsalı İnstitutunun direktoru, mikrobioloq Qriqori Roqov pendirdə yağın miqdarının onun növündən asılı olduğunu bildirib. Foodinfo.az bildirir ki, mütəxəssis bu barədə Gazeta.Ru-ya açıqlamasında danışıb.

Onun sözlərinə görə, pendirin tərkibindəki yağ faizi məhsulun nəmlik səviyyəsindən təsirlənir və əslində etiketlərdə su çıxıldıqdan sonra quru maddədəki yağ miqdarı göstərilir.

Roqov qeyd edib ki, yumşaq və yetişməmiş pendirlərdə nəmlik daha çox olur. Bu isə həmin pendirlərin tərkibində yağın miqdarının sərt növlərlə müqayisədə aşağı olmasına səbəb olur.

Mütəxəssis əlavə edib ki, pendirin tərkibindəki su və mineral maddələrin nisbəti məhsulun qida dəyərini və saxlanma müddətini də müəyyən edir.

Onun sözlərinə görə, sərt pendirlərdə nisbətən az nəmlik və yüksək yağ tərkibi olur ki, bu da məhsulun daha doyumlu və kalorili olmasına şərait yaradır.