Yaşlı insanların duz qəbuluna xüsusi diqqət yetirilməlidir. Foodinfo.az bildirir ki, terapevt Tatyana Krilova bu mövzu ətrafında yanlış fikirləri izah edib. Onun sözlərinə görə, duzun tamamilə qadağan edilməsi düzgün deyil, çünki natrium hüceyrə funksiyaları üçün vacibdir.

Lakin gündəlik duz miqdarı 5 qramı keçməməlidir. Yaş artdıqca böyrəklərin filtrləmə qabiliyyəti azalır və artıq duz orqanizmdə yığıla bilər. Bu isə təzyiqin yüksəlməsi və ödəmə səbəb olur. Mütəxəssis bildirir ki, duzu tamamilə çıxarmaq iştahanı azaldır və mineral balansını poza bilər. Ən doğru yanaşma duzu azaltmaq və daha çox təbii, emal olunmamış məhsullar istifadə etməkdir. Dad vermək üçün limon suyu, sarımsaq və təzə otlar yaxşı alternativdir.

Krilova qeyd edir ki, duzun miqdarı qədər onun keyfiyyəti də önəmlidir. Dəniz duzu və zənginləşdirilmiş növlər müəyyən hallarda üstünlük təşkil edə bilər. Hər halda, qocalarda duz istifadəsi həkim nəzarətində olmalıdır.