Soyuq aylarda turşu kələm hər evin süfrəsində əvəzolunmaz məhsul hesab olunur. Foodinfo.az “BB.LV” saytına istinadla xəbər verir ki, bu tərəvəz lif və vitaminlərlə zəngin olmaqla, orqanizmin sağlamlığını dəstəkləyir və düzgün saxlandıqda 10 aya qədər faydalı xüsusiyyətlərini qoruyur.

Turşu kələm B1, B2, B3, B6, K, U vitaminləri və provitamin A ilə zəngindir. O, bağırsaqda tıxanıqlığın qarşısını alır və həzm sistemini dəstəkləyir. Fermentasiya prosesi zamanı əmələ gələn süd turşusu bakteriyaları bağırsaq florasını yaxşılaşdırır, disbakterioz riskini azaldır və zərərli bakteriyalara, o cümlədən E. coli-ə qarşı təsir göstərir.

Ən yüksək C vitamini tərkibi də turşu kələmdə olur ki, bu xüsusilə payız və qış viruslarının aktiv dövründə əhəmiyyətlidir. Həmçinin, bu tərəvəz xolesterinin səviyyəsini tənzimləyir və bəzi xərçəng növlərinin inkişaf riskini azalda bilər.

Turşu kələm dietik məhsul hesab olunur; turşu formada onun kaloriliyi daha da azalır, lakin tox tutmaq və qidalanma dəyəri qorunur. Kələmin turşu suyu orqanizmi təmizləyir və hətta hamiləlik dövründə toksikozla mübarizədə faydalıdır.

Turşu kələm həmçinin gözəllik üçün istifadə olunur. O, misal üçün, üz və saç maskalarında tətbiq edilərək dərini nəmləndirir, məsamələri daraldır, saç və dırnaqlara təbii parıltı verir.

Lakin bəzi hallarda turşu kələmdən uzaq durmaq vacibdir. Orqanizmdə turşu tərkibi yüksək olduğu üçün bu məhsul: qalxanvari vəz, mədəaltı vəzin xəstəlikləri, arterial təzyiq dalğalanmaları, böyrək çatışmazlığı, öd kisəsində daş olanlar və xroniki mədə-bağırsaq xəstəliklərinin kəskin dövründə olan şəxslər üçün tövsiyə edilmir.