Bal, 70%-dən çox şəkər və 20%-dən az suyu özündə birləşdirən təbii şəkər məhluludur. Foodinfo.az bildirir ki, bal, arıların çiçəklərdən topladıqları nektarı, mədələrindəki invertaz enzimi ilə qlükoza və fruktozaya parçalaması nəticəsində əmələ gəlir. Belə ki, içərisindəki iki ana şəkər - fruktoza (30-44%) və qlükozanın (25-40%) dəyişən faiz nisbətləri balın xarlanmasına təsir göstərir.

Tərkibində olan şəkər qlükoza onun xarlanmış vəziyyətə çevrilməsində başlıca rol oynayır. Hər balın daxilində olan fruktoza, qlükoza və su nisbəti fərqli olduğundan xarlanma müddətləri də bir-birindən seçilir. Yəni balın xarlanması onun keyfiyyətindən deyil, tərkibindən asılı olaraq dəyişir. Bu baxımdan “xarlanmış bala şəkər əlavə edirlər” ifadəsi yanlışdır. Əgər balın əvvəlki halına qayıtmasını istəyirsinizsə onu 45-50 dərəcəlik ilıq su vannasında saxlamağınız kifayətdir. Lakin önəmli məqam prosesi icra edərkən suyun göstərilən dərəcədən çox olmamasına diqqət etməkdir.

Əks halda yüksək istilik səbəbiylə fruktozanın strukturu pozulur və bu, balın “HMF” adlı xərçəng yaradan zərərli maddəyə çevrilməsiylə nəticələnir.

Nərmin