Sarımsaq təkcə mətbəxin əvəzolunmaz qidası deyil, eyni zamanda bədən üçün güclü iltihabəleyhinə təbii vasitədir. Onun tərkibindəki alisin adlı aktiv maddə iltihabın qarşısını almağa və immun sistemini gücləndirməyə kömək edir.
Foodinfo.az sarımsağın iltihab əleyhinə faydalarını təqdim edir:
- Xroniki iltihabın qarşısını alır: Sarımsağın tərkibindəki antioksidantlar və təbii antibiotik təsiri orqanizmdə hüceyrə səviyyəsində yaranan iltihabları azaldır.
- Oynaqlarda ağrını və şişi azaldır: Revmatoid artrit və oynaq iltihablarında faydalı təsiri sübut olunub.
- Bağırsaq sağlamlığını dəstəkləyir: Sarımsaq probiotik təsir göstərərək bağırsaqdakı faydalı bakteriyaların sayını artırır, iltihabi problemlərin qarşısını alır.
- İmmuniteti gücləndirir: İltihaba qarşı təbii qoruyucu sədd rolunu oynayır.
- Qan dövranını yaxşılaşdırır: İltihab səbəbli damar daralmalarının qarşısını alır.
Mədə problemi olanlar sarımsağı çiy halda istifadə edərkən ehtiyatlı olmalıdır. Qan durulducu dərman qəbul edənlər də mütləq həkimlə məsləhətləşməlidir.
