Fransada qoca bir balıqçı sahildə 1997-ci ildə dənizə atılmış, içərisində məktub olan şüşə tapıb. Bu barədə “People” məlumat yayıb.

71 yaşlı Hubert Herrier avqustun əvvəlində çimərlikdə zibil yığarkən şüşəni görüb. Şüşə mumla möhkəm bağlanıbmış, ona görə də onu dərhal açmaq mümkün olmayıb. Şüşənin içərisində Atlantik okeanının o tayında yazılmış bir məktub olub. Okeanı keçərək Fransaya çatmaq üçün şüşəyə 26 il "lazım" olub.

Məktubun müəllifi Amerikanın Massaçusets ştatından olan, adı Ben Lyons olan beşinci sinif şagirdi olub. Belə ki, müəllim ona və sinif yoldaşlarına okean axınları haqqında dərsdən sonra şüşələrdə bir neçə mesaj göndərib dalğaların onları hara apardığını görmələrini təklif edib. Məktublar hazır olduqdan sonra möhürlənib və onu tanıdıqları dəniz kapitanına veriblər. Kapitan şüşələri suya atıb.

26 il ərzində 1992-ci ildə Massaçusets məktəblilərinin göndərdiyi mesajların bəziləri dünyanın müxtəlif yerlərində tapılıb. Xüsusilə onlardan biri Qrenlandiyaya üzüb.

Fransız balıqçı tapıntı haqqında bir zamanlar Ben Lyons oxuduğu məktəbə yazıb. O qədər müddət keçib ki, müəllimlər bunun kimə ünvanlandığını dərhal başa düşə bilməyiblər. Əvvəlcə hazırkı şagirdlər arasında Ben Lyons-u tapmağa çalışıblar, lakin bu, mümkünsüz olub. Çünki o, məktəbi çoxdan bitirib və indi başqa ştatda yaşayır.