Rasionda kəpəkli çörəyə üstünlük verilməsi qan şəkərinin tənzimlənməsində mühüm rol oynayır. Foodinfo.az bildirir ki, endokrinoloq Aleksandr Reşetnikov bu barədə “Qida və Diabet” proqramında danışıb.
Onun sözlərinə görə, kəpəkli çörək tərkibindəki kompleks karbohidratlar sayəsində qlükozanın qan dövranına tədricən keçməsini təmin edir. Bu, insulin ifrazının stabilləşməsinə səbəb olur. Reşetnikov qeyd edir ki, kəpəkli çörək sadə un məmulatları ilə müqayisədə daha yüksək lif tərkibinə malikdir.
Bu isə həm toxluq hissini artırır, həm də bağırsaq fəaliyyətini gücləndirir. O bildirir ki, xüsusilə şəkərli diabet və metabolik sindromdan əziyyət çəkənlər üçün bu seçim daha sağlamdır. Mütəxəssis çörəyi səhər və günorta yeməklərinə əlavə etməyi tövsiyə edir.
