Hazır körpə qidaları valideynlər üçün zaman baxımından rahat həll kimi görünür. Foodinfo.az bildirir ki, bu məhsulların tərkibi və istehsal prosesi hər zaman sağlamlıq baxımından optimal olmaya bilər. Bəzi paketlənmiş qidaların tərkibində şəkər, duz və süni tatlandırıcılar mövcuddur.

Bu isə körpənin dad qavrayışını erkən yaşda dəyişdirə və gələcəkdə qeyri-sağlam qidalanma vərdişlərinə səbəb ola bilər. Hazır qidaların uzun raf ömrü isə onların konservantlarla zəngin olmasından xəbər verir. Həmçinin, bəzi hallarda qablaşdırmadan mikroplastik və kimyəvi maddələr qidaya keçə bilər.

Təbii ev şəraitində hazırlanan pürelər daha təhlükəsiz və faydalıdır. Körpə qidaları etibarlı markalardan alınmalı və etiketdəki tərkib diqqətlə yoxlanmalıdır. Həkimlər bir çox hallarda evdə hazırlanmış qidaların üstünlüyünü vurğulayırlar. Körpələrin inkişafı üçün təbii və təzə qida mənbələri prioritet olmalıdır.

Hazır qidalar yalnız qısa müddətli və alternativ vəziyyətlər üçün nəzərdə tutulmalıdır. Davamlı istifadə uzunmüddətli sağlamlıq nəticələrinə səbəb ola bilər.