Qış gəldikcə mütəxəssislər yalnız paltar seçimini deyil, həm də axşam yeməyi vaxtını nəzərdən keçirməyi tövsiyə edirlər. Foodinfo.az The Conversation saytına istinadla xəbər verir ki, Limerik Universitetinin idman və sağlam qidalanma kafedrasının dosenti Ketrin Norton bildirib ki, erkən şam yeməyi bədənin təbii ritmlərini dəstəkləyir və maddələr mübadiləsini yaxşılaşdırır.
Mütəxəssis qeyd edib ki, ideal vaxt 17:30–19:00 arası, ən azı isə yatmazdan iki-üç saat əvvəl yeməkdir. Yemək qəbulunu bədənin təbii ritmləri ilə uyğunlaşdırmaq enerji, əhval-ruhiyyə və yuxu keyfiyyətinin sabit qalmasına kömək edir.
Elmi araşdırmalar da yemək vaxtının vacibliyini təsdiqləyir. Bir təcrübədə məlum olub ki, saat 22:00-də şam edən şəxslərdə qan şəkəri səviyyəsi 20% yüksək, yağların yandırılması isə 10% aşağı olub, 18:00-də yemək yeyənlərlə müqayisədə.
29 araşdırmanın geniş icmalı göstərib ki, erkən şam yeməyi çəki itirməyə, qan təzyiqini, qan şəkərini və xolesterini aşağı salmağa kömək edir.
