Yayda buzlu su içmək çox yayılmış bir vərdişdir və isti havalarda sürətli soyumaq üçün istifadə olunur. Ancaq bu vərdişin bədənə bəzi təsirləri ola bilər. 

Foodinfo.az xəbər verir ki, isti havalarda bədən temperaturunu tez bir zamanda aşağı salmaq üçün buzlu su içmək effektiv bir yoldur. 

Buzlu su içmək bədənin temperaturunu tənzimləmək üçün əlavə enerji sərf etməsinə səbəb olur. Bu, müvəqqəti olaraq metabolizmanın sürətlənməsinə səbəb olur. Bədən buzlu suyu qızdırmaq üçün daha çox kalori yandırır, bu da maddələr mübadiləsini stimullaşdırır.

Belə soyuq su mədə divarlarını daraldaraq iştahı müvəqqəti olaraq azalda bilər. Bu, yay aylarında çox yeməyin qarşısını almaq üçün faydalı ola bilər.

Buzlu su içmək sinir sistemini tənzimləyir və bədənə sərinləmə siqnalı göndərir. Bəzi insanlarda isə bu, həzm problemlərinə səbəb ola bilər. Soyuq su mədədəki qidaların parçalanmasını yavaşlada bilər və həzm problemlərinə yol açabilir.

Çox isti havada buzlu su içmək bədən üçün bir növ şok effekti yarada bilər. Bu, bəzi insanlarda ürək ritminin dəyişməsinə və ya digər narahatlıqlara səbəb ola bilər. Buna görə, buzlu suyu tədricən içmək daha faydalıdır.

Hidratasiya yayda bədən üçün çox vacibdir. Buzlu su bəzi insanlar üçün adi sudan daha cazibədar olduğu üçün onları daha çox su içməyə təşviq edə bilər. Bu da bədənin kifayət qədər hidratasiya olunmasına kömək edir.