Çox yeməyi dayandırmaq üçün yeni bir üsul açıqlanıb.

Foodinfo.az Lenta.ru-ya istinadən xəbər verir ki, dietoloq Tatyana Meşçeryakova xəbərdarlıq edib ki, müntəzəm həddindən artıq yemək çox vaxt yalnız bir müddət sonra, artıq çəki görünəndə və rəqəm dəyişdikdə nəzərə çarpır.

Meşçeryakova qeyd edib ki, həddindən artıq yeməyin əsas səbəbi insanın bunu fərq etməməsidir. Buna görə də, qidanın kəmiyyət və keyfiyyətinin daimi monitorinqi sağlam çəki saxlamağa kömək edəcək.

Lazım olduğundan artıq yeməmək üçün həkim bir neçə sadə qaydaya əməl etməyi məsləhət görüb. Daha az yemək üçün mədənizi su ilə doldurmaq lazım deyil. Susadığınız zaman içmək kifayətdir.

Dietoloq ikinci vacib qayda kimi duz və şəkər istehlakının azaldılmasını göstərib. Onun sözlərinə görə, hər iki qatqı iştahı artırır və həddindən artıq yeməyə səbəb olur.

Bundan əlavə, mütəxəssis yeməyi hərtərəfli çeynəməyə və yemək zamanı vaxt ayırmağa çağırıb. İdeal olaraq yemək 30 dəqiqə çəkməlidir.