Dazıotu yağı yanıqlara müalicəvi təsir göstərir. Onun tərkibindəki antiinflamatuar və antibakterial maddələr yanıqların sağalma prosesini sürətləndirir, dəridəki qızartını və şişkinliyi azaldır. Bu yağ dərini nəmləndirərək quruluğu və qaşınmanı aradan qaldırır.  

Foodinfo.az xəbər verir ki, dazıotu yağı kiçik yanıqlarda dərinin bərpasını sürətləndirir və infeksiya riskini azaldır. Onu yanıqlı bölgəyə nazik qat şəklində çəkmək tövsiyə olunur. Soyuducu təsir göstərməsi üçün yağı əvvəlcədən bir az soyutmaq da olar.  

Ancaq ciddi yanıqlarda həkimə müraciət edilməlidir. Yağın istifadəsi allergik reaksiyalara səbəb ola biləcəyindən əvvəlcə az miqdarda sınaqdan keçirmək faydalıdır.