Bu yağ həm daxili, həm də xarici istifadəyə yararlıdır və çoxlu vitaminlər, antioksidantlar və yumşaldıcı maddələrlə zəngindir.

Foodinfo.az ərik çəyirdəyi yağının faydalarını təqdim edir:

- Vitamin E və A ilə zəngin olduğu üçün dərini qidalandırır, nəmləndirir və hamarlaşdırır. Qırışlara və incə xətlərə qarşı təbii qoruyucudur. Sızanaqlar və qara nöqtələrə qarşı iltihab əleyhinə təsir göstərir. Dərinin elastikliyini artıraraq çat izlərinin (striyalar) azalmasına kömək edir.

- Saç dərisini qidalandırır, kəpəyə qarşı təsir göstərir. Saç tellərini yumşaldır və parlaqlıq verir. Saç uclarında qırılmaların qarşısını alır.

- Quru, çatlamış dodaqlara sürüldükdə sürətli yumşalma və sağalma təmin edir. Əllərdəki sərtlik və çatlara qarşı da təbii nəmləndirici kimi istifadə olunur.

- Həssas və incə dərilər üçün təhlükəsizdir, buna görə də körpələrə masaj yağı kimi istifadə oluna bilər.

- Hüceyrələrin oksidativ stresdən qorunmasına kömək edir. Bu da həm yaşlanmanın gecikməsinə, həm də dəri xəstəliklərinə qarşı müqavimətin artmasına səbəb olur.