Psixoloji tərəfdən yanaşılsa, toy məclislərində ,əsasən də kafe və restoranlarda musiqinin yüksək səslə verilməsi insanların narahatlığına səbəb olur. Akustikanın nəzərə alınmaması, insanlarda - əsasən də yaşlı nəslin nümayəndələrində yüksək təzyiq və əlavə həyəcanla nəticələnir. Yüksək səsin olması qulaqda bir müddət cingiltinin yaranmasına da yol açır.
Məkanlarda bu qədər səsin verilməsinin səbəbi nədir?
Məsələyə Azad İstehlakçılar Birliyinin sədri Eyyub Hüseynov məsələyə aydınlıq gətirib.
“Bizə gələn şikayətlər, apardığımız monitoriqlər birmənalı şəkildə onu göstərir şadlıq evlərində, kafe- restoranlarda strategiya ona yönəlib ki, qonaqlar tez çıxıb getsinlər”.
E.Hüseynov deyir ki, səs, temperatur, personalın xidməti, stolların sıxlığı və s. arada aydın bir alqoritm yaradır.
“Məkan sahibləri düşünürlər ki, hansı alqoritmlı hərəkət edək ki, insanlar tez çıxıb getsinlər... Ona görə də bu kimi fəndlərə əl atırlar ki, insanlar orada çox otura bilməsinlər. Nəticədə qalan qida restoran sahibinin xeyrinə hesablansın. Burada böyük istehlakçı hüquqlarının pozulması faktı da özünü göstərir”.
AİB sədri deyir ki, məkanlarda musiqinin səsini məqsədli şəkildə yüksək verirlər ki, insanlar səsin təsirindən bezsinlər. Bu hal əlavə qidanın qalmağına və yeni bir müştərinin gəlməyinə şərait yaratmış olur:
“İki il bundan öncə dövlət orqanları şadlıq evləri üçün standartlar hazırladı. Ancaq standartlara əməl edən olmadı. Yeməyin hazırlanmasından, saxlanmasından, akustikadan tutmuş hər şey şadlıq evlərinin sahibləri tərəfindən həyata keçirilir. Və nəticədə istehlakçının orda heç bir hüququ qalmır. İstehlakçı tələb etsə belə, məsələn, desə ki, plovu birinci olaraq gətir, ona nail ola bilməyəcək. Hansı ki, istehlakçının seçim hüququ var və pulu verən də odur”.
E.Hüseynovun fikrincə, bir qayda olaraq, şadlıq evlərində istehlakçılara ödədiyi böyük miqdarda pulun əvəzində qəbz də vermirlər.
“Vergidən yayınma halları da danılmaz bir faktdır. İqtisadçılarla bununla bağlı hər zaman mübahisəm olur. Söyləyirlər ki, bu, ən effektli və pul qazandıran bir işdir. Bir qat pul qoyursan, 2-3 saatdan sonra 3 qat pul qazanırsan. Onlar ancaq özlərin fikirləşirlər ki, insanlardan necə pul qoparmaq olar. İstehlakçının hüquqlarının pozulması heç veclərinə də deyil”,- Eyyub Hüseynov bildirib.
AİB sədri: “Heç şahidi olmusunuz ki, hansısa dövlət qurumundan nümayəndə gəlsin və səsin normada olmasını tələb etsin? Dövlətin bu sahədə siyasəti çox zəifdir.
Bir fakt da var ki, saxta mallar da insanlara təqdim olunur, orijinal və keyfiyyətli ad altında.
Dünən bizə bir şikayət daxil olub. Gəncədə “Səma” şadlıq sarayında məşhur “Slavyanka” sularını restoranın “podvalında” özləri hazırlayır, insanlara brend adı altında təqdim ediblər”. (modern.az)
Psixoloji tərəfdən yanaşılsa, toy məclislərində ,əsasən də kafe və restoranlarda musiqinin yüksək səslə verilməsi insanların narahatlığına səbəb olur. Akustikanın nəzərə alınmaması, insanlarda - əsasən də yaşlı nəslin nümayəndələrində yüksək təzyiq və əlavə həyəcanla nəticələnir. Yüksək səsin olması qulaqda bir müddət cingiltinin yaranmasına da yol açır.
Məkanlarda bu qədər səsin verilməsinin səbəbi nədir?
Məsələyə Azad İstehlakçılar Birliyinin sədri Eyyub Hüseynov məsələyə aydınlıq gətirib.
“Bizə gələn şikayətlər, apardığımız monitoriqlər birmənalı şəkildə onu göstərir şadlıq evlərində, kafe- restoranlarda strategiya ona yönəlib ki, qonaqlar tez çıxıb getsinlər”.
E.Hüseynov deyir ki, səs, temperatur, personalın xidməti, stolların sıxlığı və s. arada aydın bir alqoritm yaradır.
“Məkan sahibləri düşünürlər ki, hansı alqoritmlı hərəkət edək ki, insanlar tez çıxıb getsinlər... Ona görə də bu kimi fəndlərə əl atırlar ki, insanlar orada çox otura bilməsinlər. Nəticədə qalan qida restoran sahibinin xeyrinə hesablansın. Burada böyük istehlakçı hüquqlarının pozulması faktı da özünü göstərir”.
AİB sədri deyir ki, məkanlarda musiqinin səsini məqsədli şəkildə yüksək verirlər ki, insanlar səsin təsirindən bezsinlər. Bu hal əlavə qidanın qalmağına və yeni bir müştərinin gəlməyinə şərait yaratmış olur:
“İki il bundan öncə dövlət orqanları şadlıq evləri üçün standartlar hazırladı. Ancaq standartlara əməl edən olmadı. Yeməyin hazırlanmasından, saxlanmasından, akustikadan tutmuş hər şey şadlıq evlərinin sahibləri tərəfindən həyata keçirilir. Və nəticədə istehlakçının orda heç bir hüququ qalmır. İstehlakçı tələb etsə belə, məsələn, desə ki, plovu birinci olaraq gətir, ona nail ola bilməyəcək. Hansı ki, istehlakçının seçim hüququ var və pulu verən də odur”.
E.Hüseynovun fikrincə, bir qayda olaraq, şadlıq evlərində istehlakçılara ödədiyi böyük miqdarda pulun əvəzində qəbz də vermirlər.
“Vergidən yayınma halları da danılmaz bir faktdır. İqtisadçılarla bununla bağlı hər zaman mübahisəm olur. Söyləyirlər ki, bu, ən effektli və pul qazandıran bir işdir. Bir qat pul qoyursan, 2-3 saatdan sonra 3 qat pul qazanırsan. Onlar ancaq özlərin fikirləşirlər ki, insanlardan necə pul qoparmaq olar. İstehlakçının hüquqlarının pozulması heç veclərinə də deyil”,- Eyyub Hüseynov bildirib.
AİB sədri: “Heç şahidi olmusunuz ki, hansısa dövlət qurumundan nümayəndə gəlsin və səsin normada olmasını tələb etsin? Dövlətin bu sahədə siyasəti çox zəifdir.
Bir fakt da var ki, saxta mallar da insanlara təqdim olunur, orijinal və keyfiyyətli ad altında.
Dünən bizə bir şikayət daxil olub. Gəncədə “Səma” şadlıq sarayında məşhur “Slavyanka” sularını restoranın “podvalında” özləri hazırlayır, insanlara brend adı altında təqdim ediblər”. (modern.az)
