Paxlava yedikdən sonra nə qədər su içmək lazımdır? Bu sualın cavabı paxlavanın tərkibindən və insanın sağlamlıq vəziyyətindən asılıdır. Foodinfo.az xəbər verir ki, paxlava şərbətli desert olduğundan yüksək miqdarda şəkər ehtiva edir. Şəkər qan şəkərinin səviyyəsini yüksəldir və bədənin susuzlaşmasına səbəb olur. Ona görə də paxlava yedikdən sonra bol su içmək lazımdır.
Bununla belə, suyun miqdarı və vaxtı da vacibdir. Paxlavanın həzmini asanlaşdırmaq üçün suyu yeməkdən dərhal sonra deyil, təxminən yarım saat sonra içmək lazımdır.
Suyun çox soyuq olmaması da tövsiyə olunur. Çünki çox soyuq su mədəni poza bilər və həzm fermentlərinin fəaliyyətini azalda bilər. Suyun miqdarı insanın çəkisinə və ehtiyacına görə dəyişir. Ümumiyyətlə, bir porsiya paxlava üçün 1-2 stəkan su kifayət edə bilər.
Bayram sevdiklərimizlə bir araya gəldiyimiz, xoş söhbətlər etdiyimiz, dadlı yeməklər paylaşdığımız xüsusi vaxtdır. Bayramın vazkeçilməz deserti də paxlavadır. Bəs ziyafətdə neçə dilim paxlava yeyilməlidir? Bu sualın cavabı insanın sağlamlıq vəziyyətindən, çəkisindən, həyat tərzindən və şirniyyatı sevməsindən asılı olaraq dəyişə bilər. Ancaq ümumiyyətlə, bayramda paxlava yeyərkən həddindən artıq yeyilməməli və balanslı qidalanmaya diqqət etmək lazımdır.
Paxlava çox yüksək kalorili və şəkərli qidadır. Bir dilim paxlavanın kalorisi 300-400 arasında dəyişir. Bu, gündəlik kalori ehtiyacının təxminən 15-20%-nə uyğundur. Bundan əlavə, paxlavanın tərkibindəki şəkər qan şəkərini sürətlə yüksəldir və insulin ifrazını artırır. Bu, bədəndə yağ yığılmasına və çəki artımına səbəb ola bilər. Eyni zamanda şəkərli qidaların həddindən artıq istehlakı diş çürükləri, şəkərli diabet, ürək xəstəlikləri və qaraciyər yağlanması kimi sağlamlıq problemlərinə səbəb ola bilər.
