Britaniyalı psixoloq Riçard Uayzman arıqlamaq üçün ciddi pəhriz və məhdudiyyətlər tələb etməyən qeyri-adi üsul təklif edib. Foodinfo.az Championat.com- a istinadən xəbər verir ki, onun üsulu üstün olmayan əli ilə yeməkdir. Sağ əllilər sol, solaxaylar isə sağ əlindən istifadə etməlidirlər.
Bu hiylə insanı daha yavaş və diqqətli yeməyə vadar edir ki, bu da həddindən artıq yeməkdən qaçmağa kömək edir. Toxluq hissi yeməyə başladıqdan təxminən 20 dəqiqə sonra yaranır və dominant olmayan əlinizlə yeyirsinizsə, artıq tox olduğunuzu başa düşmək üçün daha çox vaxtınız olacaq.
Richard Wiseman izah edit ki, bu üsul yeməyi daha diqqətli edir, çünki hərəkətlərinizi daha yaxşı əlaqələndirməlisiniz. Nəticədə daha az yeyirsiniz və porsiyaya daha yaxşı nəzarət edirsiniz.
Bu arada psixoloq xəbərdarlıq edir ki, effektiv arıqlamaq üçün tərəvəz, paxlalılar və tam taxıllarla zəngin sağlam pəhrizə riayət etmək də vacibdir. Arıqlamaq prosesində müntəzəm idman da mühüm rol oynayır.
