Yaşıl alma təkcə sağlam qidalanma üçün deyil, həm də dərinin gözəlliyi və cavan qalması üçün ən təsirli təbii vasitələrdən biridir. 

Foodinfo.az xəbər verir ki, tərkibindəki C və E vitaminləri, antioksidantlar və təbii turşular sayəsində yaşıl alma dərini qidalandırır, nəmləndirir və xarici təsirlərdən qoruyur.

Dermatoloqların sözlərinə görə, bu meyvə dəridə kollagen istehsalını artırır, nəticədə dəri elastikliyini qoruyur və qırışların yaranmasını ləngidir.

Yaşıl almanın tərkibindəki C vitamini isə dərini parlaqlaşdırır, daha hamar və təravətli görünüş qazandırır.

Bundan əlavə, yaşıl alma sızanaq və qara nöqtələrin azalmasına da kömək edir. Meyvədəki təbii turşular dərini yumşaq şəkildə təmizləyir və gözenəklərin tıxanmasının qarşısını alır.

Kosmetoloqlar bildirirlər ki, yaşıl alma həm daxildən qəbul edildikdə, həm də təbii maska şəklində istifadə edildikdə dərinin sağlamlığını gücləndirir.

Gündə bir yaşıl alma yeməyi və kifayət qədər su içməyi tövsiyə edirlər. Onların fikrincə, bu sadə vərdiş dərinin parlaq, hamar və cavan görünməsinə təbii şəkildə kömək edir.